【一眼睇哂競爭對手落緊咩 Facebook 廣告】

更新日期:2019年7月11日


我成日都同我的學生講,知己知彼,百戰百勝,一定要經常留意對手落緊咩廣告,做緊咩優惠,網站有無新的更新,有無推出新的產品/服務等等,唔可以只用自己應為對的方法去做營銷,點解唔集思廣益,做一個更有把握,更有效果的廣告呢?


自從上年 Facebook 因為私隱、追踪、資料外洩和選舉…等問題,受到好多批評同質疑,因此 Facebook 嘗試讓平台變得更加透明化,以避免濫用行為出現,因而推出一項針對廣告部分的設定,Facebook Ad Library.



睇下你的競爭對手落緊咩 Facebook 廣告

在 Facebook Ad Library 輸入你想搜尋的 Facebook Page 名稱,就會立刻知道該專頁的創建日,專頁有否曾經改名,合併,及專頁管理員的所在地區等等。而最緊要就係要知道該專頁落緊咩廣告啦!



向你的競爭對手學習

知道競爭對手的廣告非常有用,可以幫助你改善自己的廣告內容,雖然睇唔到對手的廣告設定或其他數據,不過可以從他們的廣告中收集靈感和測試方向。


KV (Key Visual)

KV 可以話係一個廣告中最重要的部分,多留意競爭對手的設計風格,尤其是留意有無相同 copywrite 但使用不同KV的廣告,睇下佢地有無做 A/B Test.

雖然唔會知每個廣告的表現,但可以透過一定時間的觀察而推斷出結果,因為最後只會留低表現更好的廣告,而唔好的就會被刪除。



Copywrite

除咗 KV 之外,copywrite 係廣告內容另一個重點。

同樣可以留下有無 A/B Test 出現,標題、文字、表情符號,有時候按鈕的字眼都會有不同,兩個廣告用相同的 KV,但用不同的 copywrite。



但都係果句,記住,一個好的廣告最緊要係以客為本,做一個能夠令到客人消費的廣告係好重要,以點樣令到客人消費?就係睇你的產品/服務做唔做到 Solution Provide。

#samsonlomarketing #samsonlonote

© 2020 by samsonlomarketing.com