做緊網店的您 唔好再錯落去!



做好網店,客人就會自動上門。

好多人花好多時間,去為自己嘅產品影一輯好靚嘅相,拍一條好靚嘅開箱文,為自己嘅網店花上好多心機同時間去設計,當做好晒,真正出街嗰日,滿心興奮,就坐喺度,等客人自己自動上門,睇你嘅網店,買嘢,你就滿心歡喜咁坐喺度等收錢,簡直係大錯特錯!經營實體店同網店係完全唔同嘅兩回事。

實體店會因為街上面嘅人流,而有客人會主動 Walk-in,呢個亦都係點解不同地段的地舖租金相差咁大嘅原因。網店係完全唔會有呢樣野,網店嘅人流主要係靠不同宣傳渠道為你嘅網店做推廣,簡單啲來講,係要有你自己一手一腳帶網上的客人入去你的網店瀏覽同消費,Facebook 廣告同 Google 廣告係一個唔錯嘅選擇。


落咗廣告唔代表客人一定會購買你嘅嘢

你識落廣告,人哋都識落廣告,唔係邊個落得多錢,客人就會去嗰度買嘢,所有渠道都只係一個平台,真正能夠吸引客人購買的原因,係你嘅產品能否給客人一個解決問題嘅方案,買風扇,係因為覺得熱,買唇膏,係因為想靚,基本上大部份客人買每一樣野嘅時候,背後都會有一個需要,如果你能夠係廣告當中為客人帶來解決佢嘅需要的方案,就能大大增加客人購買嘅意欲,當然價錢同廣告嘅設計都有非常直接嘅影響,所以記住,落廣告唔係鬥錢多,係廣告嘅內容能唔能夠捉住客人嘅心。


專屬嘅品牌故事

每一樣野都可以俾人抄襲,唯獨你嘅專屬品牌故事永遠唔會有人抄到,今日你着一件衫,可能有人會同你撞衫,但你着出嚟嘅風格,永遠唔會有人抄到,品牌故事一樣,你要記住,你要你嘅客人永遠記得嘅係你嘅品牌,而一個好嘅品牌故事就能加深客人對你品牌的認識,明白你品牌所帶出嘅意義,同時亦會令客人忘記他們自己正在被銷售,品牌故事係非常重要。


唔可以放過任何一個客人

一個人去過你嘅網店睇你嘅嘢,無論佢有冇買,佢一定係對你網店所賣緊嘅嘢有興趣,冇興趣係唔會睇你啲嘢架,無論佢有冇購買,佢都係你嘅潛在客戶,留意吓不同客人係不同產品頁面所逗留嘅時間,留意吓客人睇產品嘅習慣,會先睇啲咩,再睇啲咩,有冇曾經加到購物車,有冇曾經寫過郵遞地址,留意每一樣野嘅細節,唔可以放過任何一個客人,因為每一個客人就等於一個銷售機會。


唔好以為數碼廣告就可以一步登天

數碼營銷,並唔係攞嚟取代舊有嘅營銷方法,而係攞嚟優化,雙管齊下,每一個 Business 都需要經歷時間去作出不斷嘅測試同修正,想一步登天,根本冇可能,所有嘅成功都必須要經歷不同嘅失敗,從失敗之中吸取不同嘅意見,作出改善,優化,唔好以為識落廣告,識設定目標受眾,就可以即刻賺大錢,落廣告唔係淨係講求你所付出嘅資金,亦需要用時間去分析,累積經驗,了解市場嘅需要,明白客戶嘅需求,先至能夠真正做到廣告最大嘅威力。


錯唔緊要,但唔好一錯再錯。

#samsonlomarketing #samsonlonote

© 2020 by samsonlomarketing.com